MCCB Under voltage release

 ال MN ال Under Voltage release

ما هو؟؟؟
عبارة عن ملف Coil طرفى التوصيل فيه D1&D2 ويركب داخل القاطع ال MCCB ليقوم بعمل Trip للقاطع. وهو المسئول عن فصل القاطع عندما يقطع عنه التيار الكهربى.
وظيفته:
توصل عليه مجموعة من الحمايات بالتوالى مثل إرتفاع وإنخفاض الفولت. عكس الفازات أو سقوطها Voltage protection . حماية التسريب الأرضى Earth leakage وكمان مفتاح إيقاف طوارئ بنقطة مساعدة مغلقة Emergency stop 🛑
طريقة عمله:
عندما يحدث خلل في أى من الحمايات أو الضغط على مفتاح الإيقاف يتم فصل التيار عن ال MN عن طريق فتح أى نقطة مساعدة من نقط الحماية الموصلة بالتوالى فيقطع عنه التيار وبالتالي يقوم بفصل القاطع لتفادى حدوث مشاكل للمعدات.

MCCB Shunt trip

 ال MX ال Shunt trip

ما هو؟؟؟
عبارة عن ملف Coil طرفى التوصيل فيه C1&C2 ويركب داخل القاطع ال MCCB ليقوم بعمل Trip للقاطع وهو المسئول عن فصل القاطع عندما يصل إليه التيار الكهربى.
وظيفته:
توصل عليه مجموعة من الحمايات بالتوازى مثل إرتفاع وإنخفاض الفولت. عكس الفازات أو سقوطها Voltage protection . حماية التسريب الأرضى Earth leakage وكمان مفتاح إيقاف طوارئ بنقطة مساعدة مفتوحة Emergency stop 🛑
طريقة عمله:
عندما يحدث خلل في أى من الحمايات أو الضغط على مفتاح الإيقاف يصل التيار إلى ال MX عن طريق غلق أى نقطة مساعدة من نقط الحماية الموصلة بالتوازى فيصل إليه التيار وبالتالي يقوم بفصل القاطع لتفادى حدوث مشاكل للمعدات.

الكونتاكتور وملحقاته

بسم الله الرحمن الرحيم

·       السلام عليكم ورحمة الله وبركاته

 

·       أهلاً بيكوا أصدقائى وأحبائى مشاهدى ومتابعى القناة

·       معاكم على عبدالعال من قناة هات مفك وتعالى أهلا بيكم فى أول فيديو هندردش فيه مع بعض عن الكونتاكتور وملحقاته

·       طبعاً الكتير من زمايلنا اللى بتشتغل فيه مجال الكهربا عارفين الكونتاكتور وفيه كتير منهم إشتغل بيه زى الناس اللى بتشتغل فى مجال تجميع لوحات الكهربا وبعضهم شاف الكونتاكتور بس مشتغلش بيه والقليل منهم سمع الإسم ده بس.

·       النهاردة احنا هنحاول نفكر بعض بمعلومات عن الكونتاكتور. وأتمنى إنى أكون موفق فى طرح المعلومات وأقدر أوصلها لزمايلنا بطريقة مناسبة.

يااااااااااااااااللا بينا "هات المفك وتعالى"

 

·       إحنا هنتكلم عن الكونتاكتور ومساعدينه اللى هيا ملحقاته. الحاجات اللى ممكن تتغير معانا حسب طبيعة العمل وحسب جهد التحكم المتاح عندنا.

·       الكونتاكتور نفسه بيتغير حسب الحمل اللى هيمر من خلاله

·       النقط المساعدة اللى هتركب عالكونتاكتور "الأوكزولارى كونتاكت" بتتغير حسب نظام التحكم وكمان ملف الكونتاكتور "الكويل" بيتغير حسب الجهد المتاح

·       طيب نشوف مع بعض الكونتاكتور وملحقاته بيكون شكلهم إيه فى مخططات الكهربا.

·       زى ما إحنا شايفين ملف الكونتاكتور المسئول عن تشغيله على شمال الصفحة. شكله فى المخطط عامل إزاى عبارة عن مستطيل وبينتهى بطرفين لتوصيل الجهد عليهم “A1&A2”   ومكانه فى المخطط بيكون فى صفحة الكنترول وبيشيل نفس أسم الكونتاكتور زى مثلاً “KM1”. وشكله زى ماحنا شايفين تحت الرمز بتاعه عبارة ملف نحاس ملفوف على هيكل بلاستيك ولفه بيكون حسب جهد الكنترول المطلوب وبينتهى الملف بأطراف التوصيل.

·       وفى منه اللى بيتوصل بالتيار المتردد و فيه اللى بيتوصل بالتيارالمستمر بفولتيات مختلفة.

·       أما الجزء اللى جنبه ده عبارة عن نقط الكونتاكتور الرئيسية اللى بنوصل عليه الباور الى هيروح للمحرك أو المعدة اللى هتشتغل عن طريقه. واللى تحته ده الكونتاكتور زى ماحنا شيفينه تحت الرمز.

·       شايفين أطراف الدخول 1-3-5 والخروج 2-4-6  أو L1-L2-L3 للدخول و T1-T2-T3 للخروج و بتكون مكانها فى المخطط فى صفحة الباور وتحمل إسم الكونتاكتور مثلاً “KM1” ومدام إتكلمنا على نقط توصيل الباور ففى حاجة هفكركم بيها وهى إن لو المحرك أو المعدة اللى هنوصلها عبارة عن  طرفين لاين ونيوترال وهنستخدم نقتطين من التلات نقط الرئيسية فهنعمل تعويض لطرف من الطرفين بحيث يمر التيار فى نقط التلامس الأخيرة وبكده يكون فيه تجانس فى عمل التلات نقط مع بعض ونتجنب بعض المشاكل اللتى ممكن تحصل بعد كده,

·       أما أخر حاجة فى الصفحة هى النقط المساعدة اللى بتكون مفتوحة أو مقفولة حسب الحاجة. فيه كونتاكتورات بتيجى عادة بنقطة مفتوحة ومعاها نقطة مقفولة واحنا بنزود نقط  حسب حاجة الكنترول. ودايماً النقط المفتوحة بتحتوى على رقم “3&4” والمغلقة “1&2” وده هنشوفه فى أخر الفيديو. وشكلها زى ما إحنا شايفين تحت الرمز بتاعها. ومكانها فى المخطط بيكون فى أى مكان حسب الإحتياج وبتحمل نفس إسم الكونتاكتور اللى راكبة عليه مثلاً “KM1”

·       أما الشكل اللى إحنا شايفنه هنا دلوقتى فهو عبارة عن رمز الكنتاكتور و هو لامم شمله ولامم كل مساعدينه ولو أخدنا بالنا من الخط المنقط اللى رابط الكويل بتاع الكونتاكتور بنقط التلامس الرئيسية والنقط المساعدة فده خط وهمى للدلالة على إن المسئول عن عن جذب النقط كلها وتغير وضعها من المقفول للمفتوح والعكس هو ملف الكونتاكتور "الكويل" عن طريق توصيل وفصل التيار عنه بيقوم فى التحكم فى النقط.

·       هنا بقى هنشوف فكرة عمل الكونتاكتور شايفين الشكل التقريبى الى أنا رسمته ده. معلش بقى رسمى على قدى يا جماعة. شايفين قدامنا قالبين حديد على شكل حرف E بالإنجليزى

·       اللى تحت شكل حرف الE باصص لفوق وفى نصه ملف نحاس بينتهى بطرفين التوصيل “A1&A2” هو ده مكان الكويل. أما اللى فوق على شكل حرف E باصص لتحت وشايل على ضهره نقط التوصيل بطريقة غير مباشرة وبينهم عازل علشان ميحصلش شورت لما نلقط الكونتاكتور. أما اللى بين قالبين الحديد دى عبارة عن سوستة.

·       تعالوا نتخيل إيه اللى بيحصل جوا الكونتاكتور. بص يا سيدى لما بنوصل على طرفين الكويل كهربا بيحصل مجال مغناطيسى بيحول القالب الحديد اللى تحت لمغناطيس وبيقوم بجذب القالب اللى فوق لأن قوة المغناطيس أقوى من السوستة. والبتالى القلب الحديد بيسحب نقط التوصيل ويوصلها ببعض فبيمر التيار عن طريقها. لكن لما بنفصل الكهربا عن الكويل بيتلاشى المجال المغناطيسى ويرجع القالب اللى تحت لوضعه الطبيعى وهنا بقى بتقوم السوستة بدورها وتدفع القالب الحديد الى فوق وترجعه زى ما كان وترجع تفتح معاه نقط التوصيل وبنقطع مرور التيار من خلالها.

تعالوا هنا نشوف النقط المساعدة وحكايتها.

لما نرسم نقطة مساعدة مقفولة بيكون دراع التوصيل ناحية اليمين أما دراع التوصيل فى النقطة المفتوحة بيكن ناحية الشمال.

إيه بقى يا عم حكاية الأرقام اللى قولتها قبل كده. بص يا سيدى النقط المقفولة بيكون داخلها رقم 1و2 كأرقام أحادية زى 11-12 و 21-22 و 31-32 و 41-42 و 51-52 وهكذا. أما النقط المفتوحة بتكون داخها رقم 3و4 كأرقام أحادية زى 13-14 و 23-24 و 33-34 و 43-44 و 53-54 وهكذا.

طيب النقط دى بتكون موجود إزاى. زى ما قولنا قبل كده فيه منها بيكون ثابت مع الكونتاكتور وفيه منها بيضاف حسب الحاجة. وبتكون عبارة عن نقطة منفصلة مفتوحة أو مقفولة وفى منها بلوكات كلها نقط مفتوحة وكمان بلوكات كلها نقط مقفولة وفيه بلوكات بتجمع بين النقط المفتوحة والمقفولة وبتكون ثنائية أو رباعية.

تعالوا ناخد أمثلة على الأرقام الموجودة عليها وإزاى نفسرها.

01 تعنى نقطة واحدة مقفولة           10 تعنى نقطة واحد مفتوحة

11 تعنى نقطتين إتنين واحدة مقفولة و واحدة مفتوحة

02 تعنى نقطتين مقفولين        20 نقطتين مفتوحين

22 نقطتين مفتوحين ونقطتين مقفولين

13 تلاتة مقفول و واحدة مفتوح        31 تلاتة فتوحين و واحدة مقفول

04 أربعة مقفول          40 أربعة مفتوح

أما إستخدام النقط المساعدة فبيكون فى دائرة التحكم وإرسال الإشارات للوحات ال PLC ولمبات البيان زى لمبة الRUN والSTOP.

ملحوظة إشارات الRUN  ما هى إلا إشارة وهمية ولاتعبر عن الشغل الفعلى للموتور لأنها مأخوذة من الكونتاكتور مش من الموتور. لكن لو عاوزين إشارة RUN حقيقية بتكون عن طريق سبيد سنسور بيركب جنب الموتور وبيبعت إشارة الRUN للوحة التحكم

كده نكون وصلنا لنهاية الحلقة. وأرجو إنها تكون عجبتكم وأفادتنا. ولو فيه حد عنده إستفسار يكتبه فى كومنت وإن شاء الله هرد عليه.

 

لو الفيديو يستاهل إعمله لايك وشير ولو مش مشترك فى القناة ياريت تتكرم وتشرفنا بالإشتراك.

والسلام عليكم و رحمة الله وبركاته.